Austeridade na USC

O reitor Casares Long conversa co decano de Químicas, Ramón Estévez, diante de Alejandro Macías e Carmen Yebra FOTO: AXENCIAS

O Consello de Goberno da Universidade de Santiago deulle onte o visto e prace ó Plan de sustentabilidade financeira para 2011, segundo esixe o Plan de financiamento do SUG e que deberá entregarse anualmente á Consellería de Facenda con medidas e obxectivos a alcanzar en cada un dos exercicios ata 2013, e que no caso de Santiago contempla tamén reprogramar investimentos.

Entre as medidas asinadas onte, Fonseca deciciu a contención das prazas de novo ingreso, que continuarán limita­das ata 2013 á taxa de reposición do 10% dos efectivos. Amais promoverase un plan de xubilacións an­ticipadas.

O equipo do reitor Juan Casares Long levará a ca­bo ademais no apartado de persoal propostas di­rixidas á "reordenación e á reasignación de horas de docencia" e de supresión das prazas non dotadas.

Pero as medidas van moito máis alá do capí­tulo de gastos en persoal, e contemplan desde a posta en marcha dun plan de aforro enerxético e un esforzo para reducir o gasto en teléfono ou en material funxible, ata a potenciación do uso da firma dixital. Para as comunicacións entre os campus de Lugo e Santiago, a USC pasará a empregar "de xeito máis usual" a videoconferen­cia, as reunións virtuais e o uso das novas tec­noloxías para aforrar en desprazamentos. Tamén se están revisando os im­portes máximos a retribuír por conferencias e establecéronse limitacións ó pago con cargo ós presu­postos da USC de matrí­culas en cursos e cotas de asociacións. A migración do cam­pus virtual a software libre é outra das medidas pro­postas.

Por outra parte, nas relacións coas entidades financeiras, a USC negocia a refinancia­ción de operacións de en­debedamento e da débeda comercial.

No apartado de ingre­sos, o reitorado proponse fomentar a colaboración coas empresas, median­te sinaturas de contratos ou con­venios, contribuíndo así tamén á transferencia do coñecemento.

Toca apañarse con 15,8 millóns menos

O plan de sustentabilidade non foi o único prato forte do con­sello de goberno de onte, aínda que si o máis novidoso. Na sesión tamén se aprobaron os orzamentos da USC para 2011, sema­nas despois de que o claus­tro lles dese o visto e prace ás súas liñas xerais.

As contas da institu­ción ascenden a 228,8 millóns, o que significa unha caída do 6,46% con respecto ás dun ano an­tes. É a maior redución das tres universidades galegas, que en euros supón pasar a apañarse con 15,8 millóns de euros menos.

O equipo reitoral in­sistiu en que neste contexto de recortes as persoas serán a súa priori­dade, de modo que o per­soal da USC non se verá afectado máis aló da redución sa­larial media do 5% estable­cida polo Goberno. En todo o demais velarase pola contención do gasto, xa que, "os re­cursos económicos do plan de financiamento da Xun­ta para o exercicio de 2011 non cobren as necesidades existentes", lembrou a vicerreitora de Econo­miña, Sara Cantorna, que ve "imprescindible intensificar a eficacia dos recursos empregados e facer un seguimento do grao de execución do presuposto que permita minimizar as súas desviacións".