Os Comités, en contra do peche das facultades

A Universidade de Santiago de Composte­a (USC) estuda pechar as facultades en períodos de varios días en épocas non lectivas para reducir gastos, como medida do plan de austeridade esixido pola Xunta para o perio­do 2011-2013. En Nadal, por exemplo, a proposta que se baralla comprende do 25 de decembro ó 1 de xaneiro, aínda que a profesora­do poderá seguir accedendo ós seus centros cos seus cartóns de identifica­ción. Os que non poderán acceder son os estu­dantes, "os principais dam­nificados" dos recortes, quéixanse os Comités. A vicerreitora de Economía, Sara Cantorna, subliña que sempre permanecerá aberta unha biblioteca por campus: dúas en Santiago e unha en Lugo.

"As datas que se bara­llan son totalmente prexu­diciais para o estudantado, posto que a preparación dos exames de xaneiro co­incide de cheo nestas da­tas", expoñen os Comités. Cantor­na cre, con todo, que neses días non se ocasiona­rá prexuízo ó alumnado e que en verán o peche das bibliote­cas das facultades podería cinguirse á última semana de xullo, tras os exames, e a primeira de agosto.

Nos servizos adminis­trativos as datas poderían ser outras, de acordo coa evolución da carga de traballo ó longo do calen­dario en cada caso.

Os Comités pídenlle ó rei­torado "un posicionamento moito máis crítico contra o ataque ao carácter público da universidade que leva a cabo o Goberno do PP á ho­ra de reducir investimentos".