Constitúese o grupo para decidir medidas de aforro no SUG

A Xunta afirmou que está cumprindo coas premisas marcadas no Plan de financiamento universitario 2011-2015, e esta semana constituíu un grupo de traballo para propor medidas de aforro no sistema universitario galego (SUG). Nun comunicado, a Administración autonómica explicou que dito grupo está formado polo secretario xeral de Universidades, José Alberto Díez de Castro; e a subdirectora de Universidades, Beatriz Soutelo, ambos da Consellería de Educación e Ordenación Universitaria.

Así mesmo, a Consellería de Facenda está representada a través do director xeral de Orzamentos, Miguel Corgos, e o subdirector xeral de recursos e análise orzamentaria, Juaquín Cabaleiro. Pola súa banda, as universidades estano por parte dos vicerretores de economía de Santiago, Sara Cantorna; da Coruña, Angel Fernández Castro; e de Vigo, José Manuel García Vázquez. Ó longo das próximas semanas traballarán interactivamente para depurar e mellorar as propostas presentadas polos integrantes deste grupo. A principios do mes de abril realizarase unha nova reunión para aprobar as dez medidas de racionalización do gasto e de mellora na eficiencia da xestión para o SUG.