A crise participativa marca a renovación do claustro da USC

Alumnas no Campus Vida de Escelencia Internacional da USC FOTO: PEPE FERRÍN/AGN

En oito días, toda a USC está chamada a votar. A cita coas urnas que máis acapara a atención é a que decidirá quen susti­túe o reitor Senén Barro, pero tamén se renovarán os consellos de departamento e o claustro. Este último órgano ostenta a máxima representación da comunidade universitaria, a través de 300 membros dos distintos colectivos. Pero a pesar da importancia que lle recoñece a propia lei, este parlamento perdeu nos últimos anos parti­cipación.

Así se veu o pasado decembro cando a abstención fixo imposible que saísen adiante os no­vos estatutos da USC, para o que se require maioría absoluta do claustro.

A Pla­taforma Universitaria Pro­gresista (PUP), o grupo de Senén Barro, pedía daquela reflexión para aclarar se o resultado se debeu "á falta de motivación sobre a reforma estatutaria ou é un problema de desmobiliza­ción social".

Para a oposición foi unha proba tanto da "minoría" na que, ó seu ver, se atopa Barro, como do proceso de "deslixitimación" do claus­tro, a xuízo do colectivo de profesorado nacionalista Universidade Aberta, por­que este é cada vez menos interpelado sobre os gran­des temas da USC.

Ezequiel Vázquez, candi­dato á representación do persoal de administra­ción e servizos (PAS) polo colectivo +Útil, coincide con parte deste diagnóstico. "Parece que o absentismo se está aprovei­tando para restarlle com­petencias ao claustro e convertelo en mero órgano consultivo", di Ezequiel, que lamenta que non se faga público a listaxe de claus­trais que non acoden ás sesións.

"O pulo participativo foi esmorecendo nestes 16 anos coas lousas da abusiva protoco­lización e do excesivo presidencialismo dos reiro­res, que "institucionaliza­ron" de xeito abafante a súa presenza e imaxe, arrogán­dose todo o protagonismo da viva e plural comuni­dade universitaria compos­telá", profunda no diagnóstico A Trabe, o grupo nacionalista dos PAS.

Outro reproche ó reitorado apunta ó incumprimento da obrigación de convo­car polo menos dúas sesións ordinarias ó ano. Algunha anunciouse ademais, quéixase o alumnado, en pe­ríodos non lectivos, dificul­tando a súa participación.

A asistencia dos estu­dantes tropeza cun atranco a maiores: cando un claustral finaliza os seus estudos, perde o dereito de representación. É por iso que, aínda que o resto do claustro se renova cada catro anos, o alumnado elixe cada dous.

Pero a ausencia máis no­toria é a do propio profesorado, o colectivo máis numeroso.

O dato contrasta coa alta participación á hora de votar. Nas últimas eleccións exerceu este de­reito máis do 88% do profesorado funciona­rio doutor, a categoría ma­ioritaria entre os docentes e investigadores, con 1.348 membros no censo deste ano.

Entre o PAS, o outro gran colectivo de traballadores da USC, se se repiten as porcentaxes de 2006 (74%) a participación será moi elevada. Son en total 1.251 persoas, repre­sentadas a través de 24 claustrais.

Os estudantes son o colectivo máis numeroso (28.416 persoas) e o que menos se mobiliza. Entre os de primerio e segundo ciclo, a participación nestes comicios non supera o 10%..