Criterios "modernos" para o plan de financiamento universitario

O Parlamento de Galicia, na sesión plenaria celebrada onte, aprobou unha Proposición non de Lei do PPdeG na que insta a Xunta de Galicia a liderar o proceso de negociación entre as universidades galegas para definir e acordar criterios estructurais modernos, estratéxicos e de futuro que se aplicarán á evolución do fondo de subvención fixa previsto no Plan de financiamento universitario 2011-2015. Este fondo de subvención é un dos parámetros do Plan, que inclúe tamén outros como de mellora da calidade, que ten un carácter fixo e para o que "é necesario propoñer os criterios para marcar as partidas orzamentarias a aplicar a partir do 2012, dun xeito progresivo que irá do 5% nese ano ata o 20% no 2015" indicou o voceiro de Educación do Grupo Popular Román Rodríguez.

Para Rodríguez, estes fondos de subvención fixa deben rixirse por criterios de "mérito, esforzo e capacidade igual que non sería xusto dar o mesmo aprobado xeral ao alumno que traballa, se esforza e participa.