Fernández Prieto presenta en Lugo o seu plan de goberno

Lourenzo Fernández Prie­to presentou onte no campus de Lugo a estratexia académica recollida no programa da súa candidatura ó reitorado da USC.

Entre as súas propostas para o alumnado. O catedrático de Historia Contemporánea avo­ga pola mellora das prácti­cas preprofesionais, un alicerce da converxencia europea "ao que non se atendeu debi­damente".

Sobre os graos, o profe­sor apuntou á necesidade de facer un seguimento da súa posta en marcha, compro­meténdose a "articular me­canismos de participación efectiva do estudantado no seguimento e avaliación dos estudos".

Fernández Prieto fixo mención especial ó Máster para acceder á docencia en secundaria. Na súa opinión, a solución ó problema da escaseza de prazas pasa por que a obrigatoriedade de cursalo sexa unha vez aprobadas as oposicións no canto de ser requisito para presentarse a elas.

Tamén se referiu de forma expresa ó campus de Lugo, no que cre que a próxima apertura do mapa de titulacións debe aproveitar­se para lograr a súa consoli­dación como referente".

A redución da "burocra­cia inútil que afoga docentes e xestores", para reducir os trámites e o "papeleo inútil un 50%", a planificación es­tratéxica do persoal para captar os mellores profeso­res e investigadores e a estabilización e a pro­moción da carreira académi­ca son outras das súas apostas.

Neste aspecto aludiu expresamente ó colectivo de docentes acreditados para cátedra, que, segundo o seu programa, contarían cun plan de transformación a curto prazo dirixido a eliminar esa bolsa de acreditados sen praza e definir un modelo de promoción estable no tempo e nos criterios.