Galicia representará as autonomías na comisión de seguimento dos graos

O director da Axencia para a Calidade do Sistema Universitario de Galicia (Acsug), Eduardo López Pereira, confirmou onte que Galicia representará –xunto a Cataluña, Castela e León e Aragón– a ditas entidades de todas as comunidades na comisión cuadripartita que convocará o Ministerio de Educación para realizar o seguimento das novas titulacións de grao, enmarcadas na adaptación a Boloña. O obxectivo da comisión será tratar "un por un" o seguimento do desenvolvemento dos distintos graos e posgraos do sistema universitario, que se realiza–obrigado por lei– cada seis anos para decidir "se aproban ou suspenden" e cales reciben a acreditación para permanecer no sistema. En total implantáronse 1.823 títulos de grao en todo o Estado este ano –en Galicia uns 51 e 58 de posgrao– e "faltan preto de 4.000 máis", que se implantarán probablemente o próximo ano.