Hai que procurar financiamento de empresas, di a UDC

O presidente do Consello Social da Universidade da Coruña (UDC), Antonio Abril, asegurou que é "evidente" que as universidades públicas deben atopar novas formas de "financiamento externo" nun momento de crise no que os gobernos "teñen dificultades" para manter os orzamentos destinados á educación.

Así o expresou durante a presentación da memoria anual 2009, onde confirmou que o orzamento da UDC para 2010 se puido manter "grazas ós remanentes", pero advertiu de que haberá que "traballar duro" para mantelo no 2011 e anunciou que a UDC está estudando a elaboración dun novo plan de financiamento co que lograr a "suficiencia financeira".

Para iso, destacou a importancia de que as universidades poidan lograr contratos con empresas e que poidan ser "capaces de acudir a concursos públicos".