A USC convocará as cátedras para os 50 acreditados

O primeiro Consello de Go­berno da Universidade de Santiago (USC) presidido polo novo reitor, Juan Casares Long, sentou as bases para re­conducir a reclamación da promoción a cátedras. Segundo explica Carmen Fer­nández Morante, vicerreitora de Persoal Docente e Investigador, a reunión do martes fixou unha folla de ruta para dar saída á bolsa de profesores acredi­tados pola Aneca (Axen­cia Nacional de Avaliación e Acreditación) para acce­der a cátedra e pendentes de ascenso e redactou a norma que rexerá na USC para a promoción de acreditados no futuro.

O colectivo de acredita­dos -algo máis de 50 docen­tes- mantivo no último ano unha tensa rela­ción co anterior equipo reitoral. Os profesores de­nunciaron que o atraso na redacción dunha nor­mativa propia que regulase o acceso a praza tras o in­forme positivo da Aneca estaba favorecendo a acu­mulación dunha bolsa de profesionais sen opcións claras de promoción.

Tras a substitución no reito­rado, o problema abor­darase en dúas partes: por unha banda daráselles resposta ós acreditados acumulados con dúas convocatorias ex­cepcionais que habilitarán as ao redor de 50 prazas necesarias e, por outro, defínese o marco normativo que rexerá o acceso dos seguintes acreditados (da orde de 7-10 cada mes).

De acordo co com­promiso asumido por Cas­ares na campaña eleitoral, a primeira oferta realizarase a finais de ano e a segunda na primeira metade de 2011. No acceso, indicou onte Carmen Fer­nández Morante, pri­marase a antigüidade da acreditación e a maiores de 63 anos.

En canto á normativa de acceso, a USC acordou unha convocatoria anual de cátedras, que se axustará en número ó pre­suposto dispoñible. Así ­mesmo, explicou Fernández, establecéronse criterios de prioriza­ción, orientados a favorecer a paridade entre sexos, campus e áreas do coñecemento. O obxectivo, apunta, é facilitar a promo­ción e "coidar o persoal que temos", coa pru­dencia que esixe a situa­ción económica.