SANTIAGO. EP
Un total de 70 voluntarios e 25 entidades adheríronse ao Programa de Voluntariado Dixital dende a súa posta en marcha o 1 de febreiro, segundo informa o Goberno galego. O perfil de voluntario dixital é o dun internauta maior de 18 anos, cun coñecemento tecnolóxico de usuario medio capaz de axudar cos seus coñecementos e sentido da solidariedade á alfabetización dixital.
Este programa promovido pola Secretaría Xeral de Modernización e Innovación Tecnolóxica, en colaboración coa Consellería de Traballo e Benestar, conta cunha unidade de coordinación, integrada por profesionais da Administración, que porá en contacto a organizacións de voluntariado e interesados.
O prazo de inscrición está aberto ata o 29 de febreiro, e os voluntarios terán á súa disposición un programa de capacitación incluído no Plan de Formación do Voluntariado de la Dirección Xeral de Xuventude para poder realizar as actuacións de apoio dixital.
Así mesmo, unha unidade de coordinación, integrada por profesionais da Administración, porá en contacto organizacións de voluntariado e os voluntarios para a realización de iniciativas de inclusión dixital.
RSS
