Hemeroteca web | RSS  RSS     Xoves 08.12.2016 Actualizado 13:17
El Correo Gallego Radio Obradoiro CorreoTV Anova multiconsulting

Galicia Hoxe

Noticia 1 de 1 Galicia  |   RSS - Galicia RSS

5.000 euros de Educación para a formación de profesionais da dinamización lingüística

SANTIAGO. EP  | 07.04.2012 
A- A+

A Consellería de Cultura, Educación e Ordenación Universitaria, a través da Secretaría Xeral de Política Lingüística, asinou un convenio de colaboración coa Coordinadora de Traballadores de Normalización da Lingua (CTNL) orientado a apoiar a formación de profesionais da dinamización lingüística e ao cal destinará 5.000 euros.

Así explicouno o departamento que dirixe Jesús Vázquez nun comunicado, no que detallou que, en virtude deste acordo, se compromete a levar a cabo accións formativas centradas no deseño das campañas de dinamización lingüística, corrección lingüística ou blogs de uso de redes sociais para o traballo en normalización lingüística.

A coordinadora asumirá a confección de dous novos documentos da 'Colección Documentos CTNL' orientados en torno ao funcionamento dos servizos lingüísticos, do traballo terminolóxico para a normalización lingüística ou na planificación da formación en lingua galega.

Así mesmo, a Secretaría Xeral de Política Lingüística tamén fortalecerá o apoio á coordinadora no mantemento e actualización da súa páxina web e do boletín electrónico de difusión da lingua 'Novas CTNL'.

En concreto, a achega económica da Consellería de Educación ascende a 5.000 euros e a da CTNL será de 1.000 euros, cos que o convenio de colaboración suma un total de 6.000 euros destinados ao desenvolvemento das accións sinaladas.

Grupo Correo Gallego
Ante calquera dúbida, problema ou comentario nas páxinas de Galicia Hoxe envíe un e-mail a info@galicia-hoxe.com. Titularidade e política de privacidade. Política de Cookies
Auditoría Audiencia Sites
Titulares RSS