A patronal galega reafirma o seu "rotundo respaldo" ao diálogo social

A Confederación de Empresarios de Galicia (CEG) expresou o seu rotundo respaldo ao proceso de diálogo social no que se atopa implicada xunto coa Xunta e as centrais sindicais.

Así o manifestou nun comunicado, no que sinalou que, "a pesar e os posibles desencontros que poidan xurdir nas súas mesas de negociación, este instrumento atesoura un valor inestimable para a proxección da economía e a mellora das relacións sociolaborais na comunidade".

A patronal galega asegurou que así o puxo de manifesto no transcurso da actual lexislatura coa sinatura de dous grandes acordos que permitiron a posta en marcha de iniciativas de relevancia para o tecido produtivo galego e o seu mercado de traballo.

Entre outras, detallou que se puxeron en marcha programas de apoio á internacionalización do tecido produtivo, de formación para o emprego, de apoio á creación e consolidación de empresas, e tamén programas específicos dirixidos a sectores claves da estrutura económica como o téxtil, a automoción ou o naval.

Por último, a organización empresarial fixo un chamamento á Administración galega para que siga liderando "ao igual que fixo nos últimos anos" este proceso e ás centrais sindicais para dar continuidade a un instrumento de concentración que "cobra máis sentido, se cabe, nestes difíciles momentos".