O aeroporto de Santiago ofrece un novo servizo de aparcamento por tres euros ao día

O aeroporto de Santiago puxo en marcha un novo servizo de aparcamento 'Valet Joven' que ofrece as tarifas de aparcamento máis baixas da cidade e onde se pode aparcar por tres euros ao día.

Este novo servizo, que require reserva previa a través da web www.santiagovaletparking.com, permite ao usuario deixar o seu vehículo no aparcamento da antiga terminal cun custo de tres euros ao día en estanzas superiores a sete días. Os tres primeiros días custarán 10 euros e, a partir de aí, cada día sumará 3,5 euros ata o sétimo día, dende o cal cada xornada terá un custo adicional de tres euros.

Unha vez aparcado o vehículo nunha das 150 prazas, os pasaxeiros poderán acceder a través do vial peonil ata a terminal actual do aeroporto santiagués, un percorrido duns 800 metros.
A nova oferta comercial nos aparcamentos responde á intención de axustarse ás necesidades dos seus usuarios e ofrecerlles un servizo competitivo.