Hemeroteca web | RSS  RSS     Venres 16.08.2019 Actualizado 13:34
El Correo Gallego Radio Obradoiro CorreoTV Anova

Galicia Hoxe

Noticia 1 de 1 Galicia  |   RSS - Galicia RSS

En Tapia de Casariego

Arrinca o XVI Festival Intercéltico d'Occidente con Culturlingua

Presentaranse creacións en galego-asturiano

Actuación na pasada edición do Festival Intercéltico
Actuación na pasada edición do Festival Intercéltico

OVIEDO. EP  | 15.08.2012 
A- A+

A praza do Concello de Tapia volverá ser o lugar elixido para izar a bandeira celta, que estará colocada no centro da vila durante todos os días de celebración. Esta bandeira simboliza o inicio do Festival Intercéltico d'Occidente, que encherá Tapia de Casariego de cultura e música celta desde este mércores até o vindeiro domingo.

Segundo informou a organización, no acto inaugural das 19.00 horas estará presente o Alcalde de Tapia, Manuel Jesús González, a concelleira de Cultura, María Antonia Fernández, e o director do Festival, Martín F. Cascudo.

Tras o izado da bandeira, as autoridades procederán a realizar un percorrido polo mercado tradicional que encherá até o domingo as prazas da Constitución e Campogrande, en pleno centro da vila tapiega.

Ás 20.00 horas celebrarase a primeira sesión de Culturlingua, as xornadas que por cuarto ano consecutivo abren o Festival e dedícanse a divulgar e presentar creacións culturais en galego-asturiano.

Na xornada de hoxe está prevista a proxección do documental 'A bruxa de Brañavara', obra de Illán Gonzali e unha charla do etnógrafo e ilustrador Alberto Álvarez Pena. Pechará a xornada de hoxe unha actuación musical do dúo Maleguas.

Grupo Correo Gallego
Ante calquera dúbida, problema ou comentario nas páxinas de Galicia Hoxe envíe un e-mail a info@galicia-hoxe.com. Titularidade e política de privacidade. Política de Cookies
Auditoría Audiencia Sites
Titulares RSS