Hemeroteca web  |  RSS   RSS
Venres 18.04.2014  | Actualizado 11.24

El Correo Gallego Radio Obradoiro CorreoTV Terras de Santiago Anova multiconsulting
Noticia 1 de 1 Galicia  |   RSS - Galicia RSS

A Asociación Galega para a Defensa da Sanidade Pública ve "un parche máis" e "inxusto"

SANTIAGO. EP  | 19.04.2012 
A- A+

A Asociación Galega para a Defensa da Sanidade Pública considera "un parche máis" e "inxusto" o establecemento do copagamento farmacéutico en función da renda en lugar de por criterios de actividade laboral como sucede ata agora, polo que os pensionistas pasarían a pagar o 10 por cento dos fármacos mentres que os traballadores activos, pagarían a metade do prezo dos medicamentos en lugar do 40% actual.

En declaracións a Europa Press, o voceiro da asociación galega, Manuel Martín, explicou que con esta medida que o Goberno propón ás comunidades autónomas, "se pretende subir os impostos á xente que menos gaña".

"Facer pagar un 10 por cento dos medicamentos ás persoas maiores, que son os que máis enfermidades teñen e que consumen máis fármacos, é unha medida tremendamente inxusta", manifestou Manuel Martín, que criticou que se suban os impostos aos que menos gañan "e non aos defraudadores e evasores fiscais, aos que se lles perdoan" as súas débedas.

"Aos ricos non se lles saca nada e preténdese reducir o déficit ao subir os impostos aos que menos teñen e máis necesidade de medicamentos teñen", reprochou. Por iso, sostén que se trata dunha "medida inxusta e insolidaria" e "non vai contribuír a mellorar o déficit sanitario".

"Non parece razoable subir o 10 por cento a quen non o ten", sentenciou, para concluír que "non tocan os intereses dos laboratorios e recargan o esforzo aos pobres".

Escribe o teu comentario

Para escribir comentarios ás noticias, debes ser usuario rexistrado. De non selo rexístrate agora

1000 Caracteres dispoñibles

www.galiciahoxe.com eliminará os comentarios considerados ofensivos ou que vulneren a legalidade.

Grupo Correo Gallego
Ante calquera dúbida, problema ou comentario
nas páxinas de Galicia Hoxe envíe un
e-mail a info@galicia-hoxe.com.
Titularidade e política de privacidade
Auditoría Audiencia Sites
Titulares RSS