Hemeroteca web  |  RSS   RSS
Sábado 20.12.2014  | Actualizado 13.15

El Correo Gallego Radio Obradoiro CorreoTV Terras de Santiago Anova multiconsulting
Noticia 1 de 1 Galicia  |   RSS - Galicia RSS
  • Imprimir
  • Enviar por correo

Á BEIRA DO LIDO

Baldo Ramos e Caxigueiro: trazo poético e libro esculpido

XAVIER CASTRO RODRÍGUEZ  | 20.03.2012 
A- A+

Dous artistas dialogan. O público fica á espreita. Silencio recollido. Un poeta, escultor das palabras que enchen baleiros nos lenzos e nos libros de autor, e un escultor que crea libros e actuacións artísticas con palabras ciceladas. Contemplamos os libros, cadros de lenzo e refractario, e participamos da simbiose de dous creadores, Baldo Ramos e Caxigueiro, que nos achegan desde a Cidade da Cultura unha parte moi representativa dos seus quefaceres nesta mostra titulada ‘Os ollos das palabras’ que dá titulo a este magnífico libro-catálogo, exemplo de materia mimada. Máis aló das palabras do Consellero de Cultura, Educación e O.U. que salienta a importancia destes espazos para habitar, veñen como auga transparente as achegas de Antonio Garrido e Eduardo Estévez. O primeiro que interpreta esta afinidade entre ambos poetas-escultores cando “as formas e as palabras coinciden nunha mesma dirección conceptual /…/para amosar as súas inquietudes a través da relación entre dúas linguaxes: arte e literatura”. E, o segundo deles, poeta que tamén recoñece ter construído espazos e territorios coas palabras, remarcando que os poemas do celanovés Baldo Ramos son “pura meta-literatura” mentres que os poemas de Caxigueiro “son concisos como croios. E rodéaos o silencio. É unha conciencia da plástica e mais da literatura”.

Unha exposición para contemplar con vagar, para intuír o que agochan as páxinas invisibles dos libros-lenzos nos que se desenvolve o equilibrio e a vertixe da palabra coa plástica xestual na que a cor é esencia e excelencia. E tamén descubrir instalacións de letras e libros refractarios que gardan os segredos dos ollos das palabras

 

Indispensable a presenza do público neste espazo que celebramos… deica xuño de 2012.

Escribe o teu comentario

Para escribir comentarios ás noticias, debes ser usuario rexistrado. De non selo rexístrate agora

1000 Caracteres dispoñibles

www.galiciahoxe.com eliminará os comentarios considerados ofensivos ou que vulneren a legalidade.

Grupo Correo Gallego
Ante calquera dúbida, problema ou comentario
nas páxinas de Galicia Hoxe envíe un
e-mail a info@galicia-hoxe.com.
Titularidade e política de privacidade. Política de Cookies
Auditoría Audiencia Sites
Titulares RSS