Hemeroteca web  |  RSS   RSS
Xoves 02.10.2014  | Actualizado 11.04

El Correo Gallego Radio Obradoiro CorreoTV Terras de Santiago Anova multiconsulting
Noticia 1 de 1 Galicia  |   RSS - Galicia RSS

O BNG denuncia que o incendio demostra que "non hai medios abondos"

SANTIAGO. EP  | 02.04.2012 
A- A+

A voceiro do Grupo Parlamentario do BNG, Ana Pontón, denunciou este luns que o "dramático incendio" que se iniciou esta fin de semana no parque natural das Fragas do Eume demostra que "non hai medios abondos" e que "é falso que se faga máis con menos".

Así mesmo, á marxe do "incalculable" valor ambiental que este espazo natural ten, Ana Pontón advertiu de que tamén en termos económicos "sae moito máis caro recortar" en labores de prevención e de xestión, ao respecto do que recordou que o Goberno autonómico "reduciu sete millóns en xestión e 20 en labores de prevención".

Tamén advertiu, ante as críticas á oposición por parte da conselleira de Medio Rural, Rosa Quintana, facendo un chamamento á responsabilidade, que o Executivo autonómico "ten a responsabilidade de como se xestionan os montes e non pode esconderse".

Ademais, a voceiro parlamentaria do Bloque chamou á "participación" este luns nas mobilizacións previstas nas cidades galegas para repudiar o incendio forestal e pedir "un cambio" na política de prevención de loita contra o lume.

Deste xeito, Ana Pontón incidiu en que, coas actuais condicións climatolóxicas, o dispositivo contra incendios tiña que estar "completado", polo que esixiu ao presidente galego que acuda á Cámara autonómica a dar explicacións e "deixe de mentir" e de dicir "que non pasa nada".

Neste sentido, propúxolle que "escoite" os veciños que tiveron que suplir a falta de medios ou os alcaldes que fixeron denuncias no mesmo sentido.

"NON É NOVA A SÚA AUSENCIA"

A parlamentaria nacionalista tamén censurou a Lei de Montes que se tramita na Cámara autonómica, sobre o que criticou que "se deixa sen contido a lei de prevención" contra incendios" e "reduce o perímetro de protección de vivendas", que se reduce a 30 metros.

Ademais, a voceiro do Grupo do BNG asegurou que Feijóo "leva ausente tres anos" no Goberno galego, e por iso, asegurou que "non é nada novo" que o sábado non acudise á zona do incendio.

Escribe o teu comentario

Para escribir comentarios ás noticias, debes ser usuario rexistrado. De non selo rexístrate agora

1000 Caracteres dispoñibles

www.galiciahoxe.com eliminará os comentarios considerados ofensivos ou que vulneren a legalidade.

Grupo Correo Gallego
Ante calquera dúbida, problema ou comentario
nas páxinas de Galicia Hoxe envíe un
e-mail a info@galicia-hoxe.com.
Titularidade e política de privacidade. Política de Cookies
Auditoría Audiencia Sites
Titulares RSS