O BNG insta os edís de Cee a retirar a moción de censura

A Executiva Nacional do BNG adoptou este luns o acordo de instar os concelleiros nacionalistas de Cee (A Coruña) a que retiren a moción de censura que presentaron, cos edís do PP na localidade, para desbancar da Alcaldía a Ramón Vigo.

Os grupos municipais de PP e BNG deron este paso o pasado venres, para intentar arrebatar a alcaldía a Ramón Vigo, de Independentes por Cee, que goberna en minoría con cinco concelleiros, esgrimindo a súa "mala xestión" do concello.

Preguntado ao respecto, o voceiro nacional, Guillerme Vázquez, subliñou esta mañá, antes da reunión da Executiva, que os edís nacionalistas non contaban "co beneplácito" deste órgano.