Hemeroteca web | RSS  RSS     Mércores 29.06.2016 Actualizado 09:46
El Correo Gallego Radio Obradoiro CorreoTV Anova multiconsulting
Noticia 1 de 1 Galicia  |   RSS - Galicia RSS

O BNG de Santiago ve "inaudito" o peche da sala de prensa para a comparecencia de Bassi e tomará medidas formais

SANTIAGO. EP  | 13.04.2012 
A- A+

O voceiro do BNG no Concello de Santiago, Rubén Cela, considerou "inaudito" o peche este xoves da sala de prensa do Concello de Santiago para a comparecencia do cómico Leo Bassi, unha decisión que partiu do grupo de goberno e contra a que os nacionalistas tomarán "medidas formais".

Rubén Cela, que considerou que esta actuación non é "lícita nin admisible", acusou o goberno local de Santiago de "intentar censurar a opinión dun grupo municipal", dado que a rolda de prensa fora convocada polo BNG.

Ademais dun "atropelo", o nacionalista viu no comportamento do goberno local unha "actitude sumamente infantil" e recordou ao grupo do PP, que rexe a casa do concello, que "a sala de prensa non é de ningún partido". "O PP non é ninguén para negarlle a entrada a esta sala ao BNG", sentenciou.

Ante esta situación, Rubén Cela asegurou que o seu grupo tomará "medidas formais" para protestar contra estes feitos, entre as que podería atoparse unha reclamación ante o Valedor do Pobo.

Grupo Correo Gallego
Ante calquera dúbida, problema ou comentario nas páxinas de Galicia Hoxe envíe un e-mail a info@galicia-hoxe.com. Titularidade e política de privacidade. Política de Cookies
Auditoría Audiencia Sites
Titulares RSS