Caramelo presenta as súas coleccións en Londres, Berlín e Moscú

A empresa téxtil Caramelo explicou que continúa potenciando o seu plan de expansión internacional participando nas feiras máis importantes do sector que se celebran este mes nas cidades de Londres, Berlín e Moscú.

Nun comunicado, Caramelo detallou que a primeira cita comeza este sábado coa CPD Signatures Dusseldorf (Alemaña), feira líder de Europa en moda muller e accesorios, na que presentará as súas propostas para a tempada outono-inverno 2012-2013.

Así mesmo, do día 11 ao 13 de febreiro a empresa viaxará a Reino Unido, país no que acaba de abrir novos puntos de venda a través dos grandes almacéns House of Frase. O evento será en 'Pure London', a feira londiniense de moda feminina de grande interese para "avanzar na implantación" da entidade nas illas británicas.

Finalmente, a última parada da xira internacional de Caramelo será na Collection Premiere de Moscow que se celebra na capital rusa do 28 de febreiro ao 2 de marzo.