Hemeroteca web  |  RSS   RSS
Venres 21.11.2014  | Actualizado 10.34

El Correo Gallego Radio Obradoiro CorreoTV Terras de Santiago Anova multiconsulting
Noticia 1 de 1 Galicia  |   RSS - Galicia RSS
  • Imprimir
  • Enviar por correo

CARTAS BOCA ARRIBA

Carta boca arriba á concellería de Cultura da Coruña

DIANA VARELA PUÑAL  | 20.03.2012 
A- A+

Ante as declaracións verquidas polo alcalde da Coruña, o señor Carlos Negreira, afirmando que é "o desexo do Goberno municipal apostar pola pluralidade lingüística e cultural como unha oportunidade para os coruñeses", paréceme oportuno transcribir de xeito literal, con todo o que iso implica, dada a premura coa que foi redactada e os excesos propios de todo texto sen repouso, a carta que reenviei á Concellería de Cultura da Coruña, en resposta á súa programación cultural, que todas as semanas viñan enviando por correo electrónico:

Prezados Sres.:

Tendo agardado un tempo prudencial para cerciorarme de que non se trataba dun erro ou dun despiste, observo que mandan vostedes, en dous correos diferentes e sucesivos, a programación cultural. 

E podo concluir asemade, que se ben nas primeiras semanas de vida desta nova concellería,  un dos correos estaba escrito en español e o outro en galego, en pouco tempo esqueceron vostedes esta práctica, contra a que nada tiña que obxectar, para proceder a enviar os dous correos en español.

Lonxe de pasar desapercibido, este novo método, á xente que consideramos a cultura un tema moi serio e básico para o desenvolvemento dunha sociedade digna e cun sistema de valores propio,  parécenos unha tomadura de pelo.

Máis aló de diferencias ideolóxicas, a cultura debe abranguer e representar a tod@s aquel@s que poidan aportar algo con valor artístico á sociedade, e non ser, comportarse, nin tratarse, como un pasatempo frívolo e prescindible.

Sendo Galicia como é, un país de longa e recoñecida traxectoria artística e literaria, todos os que a conformamos merecemos un respecto, e eso é incompatible con prescindir da súa lingua propia. O único rei ó que chamaron Sabio, así o deixou escrito.

Por todo o cal, de non modificaren a práctica de elaborar e mandar a programación cultural únicamente en español, esquecendo a unha parte fundamental dos artistas que amamos e vivimos comprometidos con Galicia, prégolles que deixen de enviarme máis nada, todo elo dito con profundo respecto e mágoa. Pois insisto, creo, sinceiramente, que a cultura a todos nos pertence, e ninguén ten dereito a utilizala con fins exclusivamente propios ou espúreos.

Recollendo o fío co que comecei o artigo, a carta paréceme acaída a estas esperanzadoras declaracións do alcalde coruñés, malia a pedantería propia de toda autocita, pois deduzo que en breve estarán mandando a súa programación facendo uso da pluralidade lingüística pola que parecen apostar. A pesar das declaracións do alcalde, o certo é que, a día de hoxe, a miña asumible petición índa non obtivo resposta, fóra de deixarme de mandar, agora nin en español nin en galego, a súa programación cultural. Confío en que a demora se deba a que están ocupándose de traducila, e que, en breve, poida escribir outro artigo dando testemuña, en primeira persoa, de que os políticos, ás veces, non falan por falar.

Diana Varela Puñal

Escribe o teu comentario

Para escribir comentarios ás noticias, debes ser usuario rexistrado. De non selo rexístrate agora

1000 Caracteres dispoñibles

www.galiciahoxe.com eliminará os comentarios considerados ofensivos ou que vulneren a legalidade.

Grupo Correo Gallego
Ante calquera dúbida, problema ou comentario
nas páxinas de Galicia Hoxe envíe un
e-mail a info@galicia-hoxe.com.
Titularidade e política de privacidade. Política de Cookies
Auditoría Audiencia Sites
Titulares RSS