Un total de catro axentes da Policía Nacional están infectados por coronavirus en Galicia, despois de que se confirmase dous novos casos, un na Coruña e outro en Salvaterra de Miño (Pontevedra).

Segundo informou a Europa Press o SUP Galicia, un dos axentes infectados presta servizo na xefatura Superior de Policía da Coruña, nas Lonzas, e permanece ingresado no hospital.

Pola súa banda, o outro policía nacional que deu positivo nas probas de coronavirus é efectivo da comisaría de Salvaterra de Miño que permanece illado no seu domicilio.

Estes dous novos casos súmanse aos doutro axente, con destino na Coruña, que estaba a facer o curso para acceder á categoría de subinspector en Madrid e que actualmente permanece illado en Ourense.

Outro policía nacional galego, con destino en Madrid, permanece illado en Lugo após comezar a presentar síntomas cando se atopaba nesta cidade e arroxar un resultado positivo nas probas.