A Xunta concluíu as obras de mellora de seguridade vial no Corredor do Morrazo, uns traballos que comezaron o 16 de xaneiro e que consistiron na colocación de diferentes "medidas físicas e visuais" co obxectivo de diminuír a posibilidade de choques frontais por invasión do carril contrario.
Así o informa a Consellería de Medio Ambiente, Territorio e Infraestruturas, que recorda que a obra contou cunha inversión de 200.000 euros e consistiu na colocación de dous tipos de separacións: barreiras de formigón e balizas cilíndricas.
As barreiras de formigón foron colocadas no tramo de carril lento e nos enlaces de Domaio, Meira-Marín, Moaña e Cangas. En total, son uns tres quilómetros.
Pola súa banda, as balizas cilíndricas instaláronse, cada 50 metros, no resto do eixe da calzada.
RSS
