O copagamento pode supoñer para algún afectado "deixar de comer dous días"

O presidente da Unión Democrática de Pensionistas de Lugo, Bernardino Barreiro, asegurou este luns, a propósito da entrada en vigor do copagamento farmacéutico, que esta medida lle pode supoñer a algún pensionista "deixar de comer dous días".

Bernardino Barreir,o que preside a asociación máis numerosa, con mil pensionistas dos 125.000 da provincia, puntualizou que "cabreados non é que esteamos, pero si afectado", e se preguntou que vai pasar con aqueles enfermos "crónicos".

"A unha familia que cobra pouco ao mellor ten que pasar dous días sen comer. Os pensionistas recoñecen que España está moi endebedada e que haberá que axudar", resígnase.

Ademais, aproveitou para recordar que "as pensións en Lugo son das máis baixas do estado", ademais de facer especial fincapé en que "os pensionistas temos que axudar os fillos e os netos coas nosas pensións e ao mellor viven catro ou cinco persoas desa pensión".