O director da Obra Social de NCG non ve perigar esta actividade e di que se manterá "con retoques"

O director da Obra Social de Novacaixagalicia, Guillermo Brea, descartou que poida perigar esta actividade da entidade e argumentou que se manterá, pero "con algúns retoques", segundo precisou.

Coincidindo coa súa presenza na presentación da nova exposición que a Fundación Luis Seoane acollerá sobre a figura de Valentín Paz Andrade, e a preguntas dos xornalistas, Brea recalcou que a entidade fixo un "estudio profundo" sobre a obra social e aprobou "un plan de viabilidade xa en marcha", recordou.

Ademais, recalcou que se manterá "a obra social referencial, con algúns retoques", matizou. Así, insistiu en que a entidade seguirá axudando ao desenvolvemento socioeconómico de Galicia "que é o noso obxectivo", remarcou nun acto, no que incidiu en que Galicia segue sendo "un compromiso" para a entidade.