Hemeroteca web  |  RSS   RSS
Mércores 20.08.2014  | Actualizado 21.06

El Correo Gallego Radio Obradoiro CorreoTV Terras de Santiago Anova multiconsulting
Noticia 1 de 1 Galicia  |   RSS - Galicia RSS

Dous incendios permanecen activos en Ourense e Silleda

Un está controlado en Muxía tras arrasar 60 hectáreas

SANTIAGO. EP  | 28.03.2012 
A- A+

Dous incendios forestais permanecen activos nos municipios de Ourense e Silleda (Pontevedra) e un máis está controlado en Muxía (A Coruña), despois de queimar unha superficie estimada de 60 hectáreas, informou a Consellería do Medio Rural e do Mar nun comunicado.

O máis grande destes incendios, de acordo cos primeiros cálculos, é o de Muxía, que comezou ás 14.38 horas e quedou controlado ás 19.57. As lapas prenderon na parroquia de San Tirso e afectaron a unhas 60 hectáreas de monte arborado. Nos traballos de control participaron tres axentes forestais, catro brigadas, cinco motobombas e dous helicópteros.

En Silleda, as lapas afectan a parroquia de Moalde, onde se queimaron unhas 30 hectáreas. As lapas empezaron ás 16.04 horas e nos labores de extinción participan un técnico, tres axentes forestais, sete brigadas, cinco motobombas, unha pa e dous helicópteros.

Por último, en Ourense, o lume está activo na parroquia de Vilar de Astrés e declarouse ás 17.13 horas. As estimacións provisionais apuntan a que hai máis de 20 hectáreas queimadas. Nos traballos participan un axente forestal, dúas brigadas, unha motobomba, bombeiros urbanos de Ourense e dous avións.

Escribe o teu comentario

Para escribir comentarios ás noticias, debes ser usuario rexistrado. De non selo rexístrate agora

1000 Caracteres dispoñibles

www.galiciahoxe.com eliminará os comentarios considerados ofensivos ou que vulneren a legalidade.

Grupo Correo Gallego
Ante calquera dúbida, problema ou comentario
nas páxinas de Galicia Hoxe envíe un
e-mail a info@galicia-hoxe.com.
Titularidade e política de privacidade. Política de Cookies
Auditoría Audiencia Sites
Titulares RSS