Encontro Irmandiño desbotou participar en "negociacións" até decidir sobre a permanencia no BNG

O Encontro Irmandiño explicou que a súa decisión de pedir que non se repartisen as áreas da Executiva Nacional do BNG débese a que adoptou a decisión de "non participar ningunha negociación, nin repartición de atribución de funcións" ata que se celebre a asemblea do próximo domingo.

Nun comunicado, os 'irmandiños' explican que, na reunión da Executiva, explicaron que "non ían participar en ningunha negociación nin repartición ou atribución de funcións entro da citada comisión até a celebración da asemblea" na que se debaterá a continuidade ou non no seo da formación frontista.

Así mesmo, indicaron que o EI "non puxo ningunha obxección a que, provisionalmente, seguisen as mesmas persoas" desempeñando as funcións que viñan exercendo no caso de darse unha continuidade neste órgano de dirección, como ocorreu coa secretaria de Organización, Montse Prado, entre outros cargos.

Doutra banda, mostrou o seu "respecto" pola "decisión persoal" de Carlos Aymerich de renunciar á portavocía parlamentaria "por incompatibilidade co cargo de portavoz de Máis Galiza".