Hemeroteca web | RSS  RSS     Xoves 30.06.2016 Actualizado 21:33
El Correo Gallego Radio Obradoiro CorreoTV Anova multiconsulting
Noticia 1 de 1 Galicia  |   RSS - Galicia RSS

A SECA ACTIVA A VAGA DE LUMES NOS MONTES

Extinguidos os incendios de Samos e Vilalba, que arrasaron 460 hectáreas

Ecocolxistas de SOS Courel alertan do perigo dos bosques da Rede Natura

Incendio rexistrado en Lóuzara e O Courel - FOTO: Pablo López Aira
Incendio rexistrado en Lóuzara e O Courel - FOTO: Pablo López Aira

LUGO. EP  | 16.03.2012 
A- A+

Os incendios forestais rexistrados nos concellos lucenses de Samos e Vilalba, que arrasaron unhas 460 hectáreas, foron extinguidos, tal e como informou a Consellería de Medio Rural.

A través dun comunicado, o departamento que dirixe Rosa Quintana recordou que o incendio de Samos se iniciou o pasado xoves ás 15.56 horas e quedou extinguido ás 22.35 horas. Afectou a unhas 440 hectáreas, segundo as primeiras estimacións provisionais, das que 370 son de monte raso e 70 de superficie arbolada.

Na súa extinción participaron tres técnicos, 13 axentes forestais, 22 brigadas, 15 motobombas, unha pa, catro helicópteros, dous avións e unha avioneta.

En canto ao lume de Vilalba, iniciouse ás 21.36 horas deste venres e quedou extinguido ás 4.26 horas. Segundo as estimacións provisionais, a superficie afectada é de 22 hectáreas, das que 20 son de monte raso e as dúas restantes, de arbolado.
Para o seu control, traballaron dúas axentes forestais, catro brigadas, tres motobombas, unha pa e unha patrulla da Garda Civil.

ECOLOXISTAS

Os ecoloxistas aseguran que o incendio que se iniciou o xoves pola tarde na estrada que vai de Santalla ata a aldea de Gamiz, en Louzara, chegou nun momento a Serra da Escrita (concello do Courel). O lume chegou a rodear a aldea de Gamiz, pero freou no souto de castiñeiros que a protexe o mesmo que fixo o sábado pasado cando o outro incendio, non puido atravesar o souto da aldea de Bustofrío.

Durante a noite o lume estendeuse en dirección a Devesa de Paderne, Cortes e Seceda. "A superficie queimada" indican "debe aproximarse as mil hectáreas", indicaron. Todo en espazo protexido pola Rede Natura do LIC Ancares- Courel.

Grupo Correo Gallego
Ante calquera dúbida, problema ou comentario nas páxinas de Galicia Hoxe envíe un e-mail a info@galicia-hoxe.com. Titularidade e política de privacidade. Política de Cookies
Auditoría Audiencia Sites
Titulares RSS