Hemeroteca web  |  RSS   RSS
Mércores 26.11.2014  | Actualizado 21.51

El Correo Gallego Radio Obradoiro CorreoTV Terras de Santiago Anova multiconsulting
Noticia 1 de 1 Galicia  |   RSS - Galicia RSS
  • Imprimir
  • Enviar por correo

Extinguidos sete incendios forestais que arrasaron unhas 920 hectáreas en Ourense

SANTIAGO. EP  | 29.02.2012 
A- A+

Sete incendios rexistrados na provincia de Ourense quedaron extinguidos nos municipios da Mezquita, A Gudiña, A Veiga, Castrelo do Val, Vilariño de Conso, San Xoán de Río e Chandrexa de Queixa, que arrasaron unhas 920 hectáreas de superficie.

Segundo informa a Consellería do Medio Rural e do Mar, ás 9.00 horas deste mércores non quedaba ningún incendio activo en Galicia. En concreto, ás 4.00 horas quedou extinguido o incendio forestal rexistrado na parroquia de Pereiro, na Mezquita, que empezou ás 13.45 horas do martes.

A superficie afectada, segundo as últimas estimacións provisionais, situábase nas 230 hectáreas, das cales 30 corresponden a monte raso. Na extinción deste lume colaboraron un técnico, cinco axentes forestais, cinco brigadas, tres motobombas, unha pa, catro helicópteros e tres avións.

Tamén quedou extinguido dende as 23.45 horas do martes o incendio rexistrado na parroquia de Barxa no municipio da Gudiña, onde resultaron afectadas unhas 71 hectáreas.

O incendio rexistrado na parroquia de Ponte, na Veiga, quedou extinguido ás 3.45 horas deste mércores, tras afectar a unhas 350 hectáreas, todas elas de monte raso.

Así mesmo, quedou extinguido ás 4.00 horas deste mércores o lume declarado na parroquia de Parada de Serra -- aínda que inicialmente se situara na de Campobecerros-- do municipio de Castrelo do Val, no que resultaron afectadas unhas 70 hectáreas, das cales 20 corresponden a monte arborado e o resto a raso.

OUTROS LUMES

Medio Rural indicou, ademais, que ás 02:36 horas deste mércores quedou extinguido o incendio rexistrado na parroquia de San Martiño, no municipio de Vilariño de Conso, que se iniciara ás 13.55 horas do martes e que arrasou 70 hectáreas rasas, segundo as primeiras estimacións provisionais.

Pola súa banda, o lume declarado na parroquia de Vilardá no municipio de San Xoán de Río quedou apagado ás 4.00 horas e afectou a unhas 60 hectáreas rasas. Este incendio iniciárase ás 19.35 horas do martes e na súa extinción traballaron catro axentes, catro brigadas e tres motobombas.

Tamén ás 5.17 horas deste mércores quedo extinguido o incendio forestal iniciado ás 17.15 horas do martes na parroquia de Queixa, no municipio de Chandrexa de Queixa, que afectou a unhas 70 hectáreas rasas.

Escribe o teu comentario

Para escribir comentarios ás noticias, debes ser usuario rexistrado. De non selo rexístrate agora

1000 Caracteres dispoñibles

www.galiciahoxe.com eliminará os comentarios considerados ofensivos ou que vulneren a legalidade.

Grupo Correo Gallego
Ante calquera dúbida, problema ou comentario
nas páxinas de Galicia Hoxe envíe un
e-mail a info@galicia-hoxe.com.
Titularidade e política de privacidade. Política de Cookies
Auditoría Audiencia Sites
Titulares RSS