Hemeroteca web | RSS  RSS     Venres 13.12.2019 Actualizado 21:21
El Correo Gallego Radio Obradoiro CorreoTV Anova

Galicia Hoxe

Noticia 1 de 1 Galicia  |   RSS - Galicia RSS

Feijóo, despois do preacordo no Estado, avisa ao PSdeG: "Onte asinaron non gobernar Galicia durante moitos anos"

SANTIAGO. EP  | 13.11.2019 
A- A+

O presidente da Xunta, Alberto Núñez Feijóo (PPdeG), asegurou que o preacordo alcanzado entre PSOE e Unidas Podemos para conformar un goberno no Estado suporá que os socialistas "non" vaian gobernar "Galicia durante moitos anos".

"Onte vostedes asinaron dúas cousas: Un goberno de España que non sabemos cantos meses durará e non gobernar Galicia durante moitos anos", manifestou durante unha resposta ao secretario xeral do PSdeG, Gonzalo Caballero, durante a sesión de control do Parlamento de Galicia.

"Esa é a súa declaración de onte no Congreso dos Deputados", incidiu Feijóo. "Se os galegos xa sabían que este goberno (en referencia ao Executivo galego) e esta estabilidade en Galicia ben vale a pena, a partir do que vai vir daranse conta de que a estabilidade política, a centralidade política e sentido común dos galegos van ser moi superiores a estes pactos contra natura do PSOE con calquera", apuntou.

Grupo Correo Gallego
Ante calquera dúbida, problema ou comentario nas páxinas de Galicia Hoxe envíe un e-mail a info@galicia-hoxe.com. Titularidade e política de privacidade. Política de Cookies
Auditoría Audiencia Sites
Titulares RSS