Hemeroteca web | RSS  RSS     Xoves 17.01.2019 Actualizado 13:27
El Correo Gallego Radio Obradoiro CorreoTV Anova

Galicia Hoxe

Noticia 1 de 1 Galicia  |   RSS - Galicia RSS

Feijóo, "tranquilo" co pacto con Vox en Andalucía, cre que o PP "non dá nin un paso atrás" en violencia machista

SANTIAGO. EP  | 10.01.2019 
A- A+

O presidente da Xunta, Alberto Núñez Feijóo, mostrouse "tranquilo" co pacto asinado este mércores entre o PP e Vox para que Juan Manuel Moreno goberne en Andalucía e defende que os populares, con este acordo, non dan "nin un paso atrás" en materia de violencia de xénero.

Así respondeu o tamén líder do PP de Galicia, quen destacou a Moreno como un político "fiable, centrista" e no que "confía plenamente". "Atópome tranquilo e seguro de que o que vai facer é razoable e é o que podemos subscribir calquera persoa como militante do Partido Popular", engadiu na rolda de prensa posterior á reunión do Consello.

Ademais, negou que manteña discrepancias coa dirección nacional do seu partido no ámbito da violencia de xénero, posto que, ao seu modo de ver, a súa opinión é "perfectamente compatible co devandito" polos seus compañeiros.

Sobre se este mesmo pacto poderíase dar en Galicia após as eleccións autonómicas previstas para 2020, Feijóo apelou a "ir vendo partido a partido". Neste sentido, insistiu en que, por agora, "non hai ningún pacto máis importante" que o que mantén "cos galegos" na súa terceira maioría absoluta na Comunidade.

Así mesmo, destacou que "todo o mundo sabe" o contido do pacto de gobernabilidade da Xunta de Andalucía, o que contrapuxo ao acordo "inédito" que sostén a Pedro Sánchez no Executivo estatal: "Ninguén sabe por que os independentistas cataláns, nacionalistas vascos e podemos pactaron co presidente do Goberno".

Grupo Correo Gallego
Ante calquera dúbida, problema ou comentario nas páxinas de Galicia Hoxe envíe un e-mail a info@galicia-hoxe.com. Titularidade e política de privacidade. Política de Cookies
Auditoría Audiencia Sites
Titulares RSS