Hemeroteca web | RSS  RSS     Domingo 26.04.2020 Actualizado 00:00
El Correo Gallego Radio Obradoiro CorreoTV Anova

Galicia Hoxe

Noticia 1 de 1 Galicia  |   RSS - Galicia RSS

Galicia permitirá aos cidadáns recoller comida encargada nos restaurantes con "garantías sanitarias"

O Cecop acorda ampliar até o 31 de xullo o prazo para a limpeza de biomasa nas franxas secundarias

SANTIAGO. EP
A- A+

A Central de Coordinación Operativa (Cecop) de Galicia acordou este sábado permitir o desprazamento de cidadáns até os restaurantes para recoller comida que encargasen previamente. Pero isto deberá facerse "con todas as garantías sanitarias" e observando a "distancia de seguridade" para evitar contaxios.

Así o explicou o vicepresidente da Xunta, Alfonso Rueda, tras a reunión do órgano que coordina a emerxencia da COVID-19 na Comunidade, no que tamén participan o presidente da Federación Galega de Municipios e Provincias (Fegamp), Alberto Varela, e a Delegación do Goberno.

Unha das medidas adoptadas polo Cecop foi ampliar as posibilidades dos restaurantes de modo que, se até o momento había a repartición a domicilio, agora as persoas poderán encargar a comida e ir recollela á porta do local.

Ademais de "facilitar" esta opción a persoas "que non poidan ir á compra nin facer a comida na súa casa", supón unha "medida de viabilidade económica" para os propios restaurantes, explicou Rueda. "Non é unha proposta incompatible coas medidas de seguridade", subliñou.

En canto ao turismo, na reunión deste sábado se aprobou o inicio da elaboración dun plan de seguridade hixiénico-sanitaria para "reforzar a confianza" neste sector, que incluirá "certificacións de calidade", unha vez finalicen as restricións da pandemia, tal e como explica a Xunta a través dun comunicado.

LEIRAS DE AUTOCONSUMO
Así mesmo, o Cecop acordou eliminar a distancia máxima de 500 metros permitida para que os particulares poidan acudir ás súas leiras de autoconsumo para efectuar labores de mantemento.

Deste xeito, non haberá distancia máxima no caso de que o terreo estea no mesmo municipio atasehir sex shop e permitirase percorrer até 5 quilómetros no caso de que estea noutro concello.

A partir de que a Consellería do Medio Rural emita unha orde neste sentido, reláxase o tope destes desprazamentos pero aínda deberán restrinxirse ao mínimo e imprescindible para o mantemento do cultivo. En calquera caso, os cidadáns deberán achegar unha declaración responsable.

QUEIMAS E FRANXAS SECUNDARIAS
Por outra banda, o Comité de Coordinación Operativa de Galicia aprobou que se realicen queimas de restos agrícolas amontoados en explotacións profesionais "para evitar problemas fitosanitarios", asegura a Xunta.

Para obter a correspondente autorización, os cidadáns deben dirixirse aos servizos provinciais de Prevención de Incendios por correo electrónico e incluír unha declaración responsable de titular da explotación que xustifique a queima.

Ademais, co mesmo obxectivo de "prevención dos incendios forestais", levantarase a suspensión dos prazos legais para executar a limpeza de biomasa nas franxas de 50 metros que rodean ás vivendas.

Así, ao prazo habitual do 31 de maio se lle engadirán os días transcorridos durante o actual estado de alarma, de modo que agora as limpezas deberán efectuarse antes do 31 de xullo --inclusive--.

BATIDAS DE XABARÍS
Tamén en páxina rural, a reunión do Cecop deste sábado acordou a autorización das batidas izmir sex shop de xabarís en grupo --até o momento, só permitíase a caza individual e na modalidade de espera-- tamén "con todas as garantías sanitarias".

En palabras do vicepresidente da Xunta, o obxectivo é "garantir a actividade agraria" e "reducir os accidentes de circulación" que produce a fauna salvaxe.

Grupo Correo Gallego
Ante calquera dúbida, problema ou comentario nas páxinas de Galicia Hoxe envíe un e-mail a info@galicia-hoxe.com. Titularidade e política de privacidade. Política de Cookies
Auditoría Audiencia Sites
Titulares RSS