Hemeroteca web | RSS  RSS     Venres 20.09.2019 Actualizado 20:16
El Correo Gallego Radio Obradoiro CorreoTV Anova

Galicia Hoxe

Noticia 1 de 1 Galicia  |   RSS - Galicia RSS

O Goberno comprométese a abordar con Endesa o futuro da térmica das Pontes

Os alcaldes das comarcas de Ferrolterra e Terra Chá reclaman á empresa que non despida nas auxiliares

FERROL. EP  | 10.09.2019 
A- A+

O Ministerio para a Transición Ecolóxica comprometeuse a convocar unha mesa con Endesa para abordar o futuro da planta térmica das Pontes (A Coruña), segundo afirmou este martes o rexedor deste municipio, Valentín González Formoso.

En declaracións a Europa Press, o tamén presidente da Deputación da Coruña confirmou este compromiso ao termo da reunión mantida este martes na sede do Ministerio para a Transición Ecolóxica con responsables do departamento que encabeza Teresa Ribeira.

Segundo González Formoso, a mesa terá lugar "antes de que termine este mes de setembro" e nela sentarán representantes da compañía, o Goberno central, o comité de empresa e o Concello das Pontes, así como o grupo de traballo que se creou para abordar o futuro da planta.

"Coñeceremos que é o que necesita a central térmica, de boca da súa propietaria, para reactivar a súa actividade, e saberemos onde está disposto a chegar o Goberno para que isto sexa posible", apuntou o rexedor, que estivo acompañado en Madrid polos seus homólogos nos municipios da Capela, As Pontes, Narón, San Sadurniño, Vilalba e Xermade.

González Formoso tamén manifestou que solicitaron ao ministerio que leve a cabo "xestiones coa propia Endesa" para que "non haxa despedimentos de auxiliares, que teña paciencia, ata que isto se reactive, xa que llo debe a este colectivo, a este pobo e ás comarcas".

Grupo Correo Gallego
Ante calquera dúbida, problema ou comentario nas páxinas de Galicia Hoxe envíe un e-mail a info@galicia-hoxe.com. Titularidade e política de privacidade. Política de Cookies
Auditoría Audiencia Sites
Titulares RSS