Máis Galiza celebra este xoves o seu Consello con división sobre a ruptura co BNG

A corrente do BNG que lidera Carlos Aymerich, Máis Galiza, celebra este xoves o seu consello Político nun clima de división sobre qué futuro debe tomar esta sensibilidade que comezou como plataforma na asemblea de 2009.

Será clave a cita deste xoves, xa que a postura que saia e os acordos que se adopten poderían determinar o transcurso da asemblea do 11 de marzo. No conclave decidiranse as coordenadas políticas de Máis Galiza, os seus órganos de dirección e a súa conversión en partido político, unha das cuestións sobre as que están a favor os partidarios de continuar no seo da formación frentista.

Con todo, aínda que hai voces de peso entre os que apostan por seguir no BNG, estas piden "xestos verificables" por parte a maioría que ostenta Alternativa pola Unidade (APU) --plataforma que auspicía a UPG--. Estes "xestos" pídense en varios ámbitos, que atinxen "á "dirección orgánica, discurso e representación institucional".

Non obstante, os defensores de marchar desestiman como boa a idea de darse un prazo despois da asemblea do 11 de marzo para volver comprobar se se cumpren eses xestos dous meses máis tarde e apostan por levar a cabo un debate que permita saír xa, co futuro definido.