Hemeroteca web | RSS  RSS     Luns 18.06.2018 Actualizado 11:34
El Correo Gallego Radio Obradoiro CorreoTV Anova

Galicia Hoxe

Noticia 1 de 1 Galicia  |   RSS - Galicia RSS

Este venres

O Museo Gaiás inaugura a mostra 'Galicia Universal', con obras de Lugrís, Castelao, Maside ou Laxeiro

A exposición percorre 200 anos de arte galega a través das coleccións de Abanca e Afundación

SANTIAGO. EP  | 12.03.2018 
A- A+

O Museo Centro Gaiás acollerá este venres a inauguración do seu novo proxecto expositivo, 'Galicia Universal, que propón un percorrido pola historia do arte galego desde o século XIX, a través dunha selección de 194 obras que forman parte das coleccións de Abanca e Afundación.

Así, a mostra 'Galicia Universal. A Arte Galega mais coleccións de Abanca e Afundación' presenta unha ambiciosa iniciativa na que se incluirán pinturas, esculturas, fotografías ou instalacións de artistas galegos como Castelao, Maside, Maruja Mallo, Francisco Leiro, Menchu Lamas ou Lugrís, entre moitos outros.

A mostra representa unha selección "sen precedentes" que aborda a evolución e os principais nomes da historia artística galega, tanto desde unha óptica particular como en relación co contexto internacional, as vangardas ou o exilio.

Trátase de 194 pezas seleccionadas das coleccións de Abanca e Afundación, integradas por importantes fondos de 1.348 obras artísticas e 3.217 rexistros bibliográficos, no primeiro caso, e por máis de 5.000 no segundo.

A mostra poderase visitar de forma gratuíta no Museo Centro Gaiás entre este venres e o 14 de outubro. O deseño de montaxe da exposición estará a cargo do estudo galego de arquitectura Abalo e Alonso, que buscarán crear un diálogo co propio espazo do Gaiás e realzar o valor singular das pezas.

Ademais, estará acompañada por un programa de visitas guiadas para escolares e unidades didácticas, situándose así como "unha clase de historia da arte galega", e verase reforzada por un catálogo en galego, castelán e inglés editado polo estudo Desoños.

Grupo Correo Gallego
Ante calquera dúbida, problema ou comentario nas páxinas de Galicia Hoxe envíe un e-mail a info@galicia-hoxe.com. Titularidade e política de privacidade. Política de Cookies
Auditoría Audiencia Sites
Titulares RSS