SANTIAGO. EP
O alcalde de Santiago, Gerardo Conde Roa, e a concelleira de Benestar Social, Paula Prado, presentaron este mércores o festival 'Musicompostela', unha actividade enmarcada no Plan de Acción Local na Prevención de Drogodependencias e dentro da cal se celebrarán sete concertos nos que non se servirá alcohol.
En cada un dos concertos, que terán lugar na Sala Moon e se iniciarán ás 22.00 horas, tocarán dous grupos. En concreto, o 10 de marzo actuarán Bizarros e Vicky Polard, mentres que o 30 de marzo será a quenda de Drink and Tonic e Touret.
A continuación participarán no festival Manolo e Fillos e Lea e Mayu (13 de abril), The Free Riders e Free Lance (o 27 de abril), Hellorice e Agoraphobia (11 de maio) e Labazada e Las Colillas Aquí (19 de maio). Pecharán o ciclo, o 1 de xuño, Crying Wolves e Erglis.
O alcalde agradeceu a todos os grupos participantes a súa colaboración, ao tempo que mostrou a súa preocupación por todo o que se deriva "da ingesta de alcohol masiva por novos". "Non somos represores, o que queremos facer é un labor preventivo e fomentar un consumo responsable", sentenciou Conde Roa.
RSS
