Hemeroteca web  |  RSS   RSS
Mércores 03.09.2014  | Actualizado 01.53

El Correo Gallego Radio Obradoiro CorreoTV Terras de Santiago Anova multiconsulting
Noticia 1 de 1 Galicia  |   RSS - Galicia RSS

Pachi Vázquez afirma que "se inicia a grande ofensiva" contra a sanidade pública

Asegura "todos os recursos do socialismo galego para que a sociedade galega non pase por esa afronta"

VIGO. EP  | 19.04.2012 
A- A+

O secretario xeral do PSdeG, Manuel 'Pachi' Vázquez, afirmou que coa proposta de copagamento farmacéutico do Goberno "se inicia a grande ofensiva contra a sanidade pública en España, tristemente encabezada por un presidente que se chama Rajoy e un presidente (autonómico) que se chama Feijóo".

Nunha rolda de prensa en Vigo, onde se reuniu co alcalde, Abel Caballero, para falar sobre a Área Metropolitana, o líder dos socialistas galegos considerou que tanto o xefe do executivo central como o presidente da Xunta "lanzan o gran desembarco" contra a sanidade pública" e "incumprindo o que dixeron en campaña".

Así, explicou que a "tódolos pensionistas galegos" se lles cobrará o 10 por cento das receitas, segundo esta iniciativa, a cal cualificou de "gran felonía" contra os cidadáns. Ademais, acusou os populares de "mentir", pois en campaña electoral dicían que o copagamento "era unha mentira dos socialistas".

"Van facerlle pagar á saúde dos nosos pais e á educación de noso fillos o custo dunha crise que é do sistema financeiro", denunciou Vázquez, quen advertiu de que os socialistas non o van permitir e "non van deixar sós os enfermos, aos alumnos nin ao futuro deste país".

Así mesmo, Pachi Vázquez asegurou que este asunto era unha "manía" de Feijóo, a quen acusou de "mentir" dicindo primeiro que non pero, segundo apuntou o socialista, "agora é que si".

"AFRONTA"

O socialista explicou que o gasto en receitas ao ano é de 900 millóns de euros e que cada ano en Galicia se estenden 60 millóns de receitas. De igual forma, indicou que o 10 por cento de cada receita supón aproximadamente o 10 porciento de 15 euros e que "o resto son eufemismos".

Nese mesmo sentido, estimou que calquera maior de 70 anos é "enfermo crónico de algo, ou da tensión, ou do colesterol, ou da diabete, ou de procesos articulares" e debe acudir periodicamente ao médico.

Por todo iso, asegurou que garantirá "todos os recursos do socialismo galego para que a sociedade galega non pase por esa afronta" que ao seu xuízo, é "desmontar" o sistema nacional e galego de saúde; e solicitou ao Goberno que "se ten un problema de financiamento, que o diga" e buscaranse fórmulas, pero "que non o faga pagar a quen menos ten e máis o necesita".

Escribe o teu comentario

Para escribir comentarios ás noticias, debes ser usuario rexistrado. De non selo rexístrate agora

1000 Caracteres dispoñibles

www.galiciahoxe.com eliminará os comentarios considerados ofensivos ou que vulneren a legalidade.

Grupo Correo Gallego
Ante calquera dúbida, problema ou comentario
nas páxinas de Galicia Hoxe envíe un
e-mail a info@galicia-hoxe.com.
Titularidade e política de privacidade. Política de Cookies
Auditoría Audiencia Sites
Titulares RSS