Hemeroteca web | RSS  RSS     Xoves 21.11.2019 Actualizado 20:43
El Correo Gallego Radio Obradoiro CorreoTV Anova

Galicia Hoxe

Noticia 1 de 1 Galicia  |   RSS - Galicia RSS

O Parlamento de Galicia nomea senadores a Jesús Vázquez, Elena Muñoz e José Manuel Sande

SANTIAGO. EP  | 25.06.2019 
A- A+

O Parlamento de Galicia nomeou a Jesús Vázquez, Elena Muñoz e José Manuel Sande como representantes da Autonomía na recentemente iniciada lexislatura da Cámara Alta.

A votación desenvolveuse nun pleno extraordinario celebrado no arranque da sesión que o Pazo do Hórreo acolle desde este martes. A única proposta elevada ante a Cámara recibiu 68 votos a favor e oito en branco.

Así, os exconselleiros e candidatos ás alcaldías de Vigo e Ourense nas últimas eleccións municipais, Elena Muñoz e Jesús Vázquez, respectivamente, convértense en senadores por designación autonómica a proposta do Partido Popular de Galicia, grupo maioritario na Cámara.

Tamén será represenante da Comunidade galega na Cámara Alta o exconcelleiro de Culturas do Concello da Coruña José Manuel Sande, cuxa elección no seo do grupo de En Marea a proposta dos deputados críticos con Luís Villares foi o detonante que provocou a saída do até agora portavoz e outros tres deputados ao grupo mixto.

Antes da votación, desenvolvida en urna, gardouse un minuto de silencio en memoria do exdiputado socialista Raúl Fernández, falecido a pasada semana após padecer unha enfermidade. Así mesmo, Jackeline Fernández fixo ingreso como deputada do PPdeG en substitución de César Fernández Gil, novo alcalde de Ribadavia (Ourense).

Grupo Correo Gallego
Ante calquera dúbida, problema ou comentario nas páxinas de Galicia Hoxe envíe un e-mail a info@galicia-hoxe.com. Titularidade e política de privacidade. Política de Cookies
Auditoría Audiencia Sites
Titulares RSS