O Porto de Vigo pechou o ano 2011 no primeiro posto de España en tráfico de pesca fresca, segundo a Estatística Xeral de Tráfico Portuario de decembro, realizada por Portos do Estado --para cuxa elaboración se utilizaron os datos mensuais facilitados pola Autoridade Portuaria de Vigo--.
Segundo se desprende desa estatística, o Porto de Vigo moveu durante o pasado exercicio máis de 84.200 toneladas de pesca fresca, o que supón máis do dobre que a segunda terminal da lista. Ademais, a terminal olívica representa máis do 35 por cento do total de tráfico de pesca fresca dos portos españois --que ascendeu en 2011 a case 238.000 toneladas--.
Por outra banda, a Autoridade Portuaria de Vigo bateu o ano pasada a marca histórica absoluta en movemento de peixe en xeral, e alcanzou as 834.647 toneladas, 7.000 toneladas máis que o ano anterior.
RSS
