O PP di que a adxucación por 982 millóns despexa as "dúbidas interesadas" do PSOE

O voceiro de infraestruturas do PPdeG, Alejandro Gómez Alonso, aplaudiu que o Goberno central "despexe" co anuncio da adxudicación de oito tramos por 982 millóns de euros as "dúbidas interesadas" do PSOE sobre a AVE galego.

Nun comunicado, Gómez Alonso destacou que a adxudicación "fala por si mesma" do compromiso "adquirido en Soutomaior polo presidente popular, Mariano Rajoy". Neste municipio de Pontevedra o líder dos populares abriu o curso político o pasado mes de setembro.

"O cambio vivido en España o 20 de novembro trae para Galicia un período no que os galegos poderán recobrar a confianza no Goberno central", reivindicou antes de sinalar que "en Madrid el Gobierno galego ten un interlocutor válido, un aliado para defender os intereses dos cidadáns, e non un obstáculo político".

Segundo indicou Gómez Alonso, "será o trío de altos cargos galegos" formado polo presidente do Goberno, Mariano Rajoy; a ministra de Fomento, Ana Pastor; e o presidente da Xunta, Alberto Núñez Feijóo "o encargado de converter en realidade un proxecto que ata agora en Fomento ocupou máis tempo nas salas de prensa que nos despachos".

Neste sentido, o voceiro popular afirmou que "a AVE a Galicia foi un proxecto iniciado" polo Partido Popular no Goberno central" polo que manifestou que "serán os gobernos do PP en Galicia e Madrid os que conclúan unha infraestrutura para a comunidade".

"SENSATEZ TÉCNICA"

Para Gómez Alonso, "é vital non volver ao tempo no que o ego electoral dalgúns partidos políticos" daba promesas de prazos de finalización desta obra "que técnicos atopaban imposibles de cumprir".

Deste xeito, ha asegurado que o PPdeG "non deixará de reivindicar esta infraestrutura vital" para Galicia" e, aínda que pediu que "se remate no menor tempo posible", asegurou "ser consciente de que en todo proxecto debe primar a sensatez técnica".
"A mellor garantía que os galegos temos para ver rematada a conexión de alta velocidade coa Meseta son a seriedade, o rigor presupostario e a honestidade que supón o novo Goberno central," concluíu.