Hemeroteca web | RSS  RSS     Martes 20.08.2019 Actualizado 12:41
El Correo Gallego Radio Obradoiro CorreoTV Anova

Galicia Hoxe

Noticia 1 de 1 Galicia  |   RSS - Galicia RSS

A raíña Sofía interásase polo labor do Banco de Alimentos de Vigo

(I-D) A Raíña (con chaqueta de cadros gris) coa conselleira de Política Social, o alcalde de Vigo, a presidenta da Deputación e os responsables da Fundación na súa visita ao Banco de Alimento de Vigo - FOTO: Marta Vázquez Rodríguez - Europa Press
(I-D) A Raíña (con chaqueta de cadros gris) coa conselleira de Política Social, o alcalde de Vigo, a presidenta da Deputación e os responsables da Fundación na súa visita ao Banco de Alimento de Vigo - FOTO: Marta Vázquez Rodríguez - Europa Press

VIGO. EP  | 12.07.2019 
A- A+

A raíña Sofía coñeceu este venres o funcionamento do Banco de Alimentos de Vigo e interesouse polo proceso a través do cal recibe a axuda solidaria. Ademais, durante unha reunión, representantes da entidade lle fixeron entrega dun broche representativo da organización, unha camelia esmaltada que colocou na súa chaqueta.

A visita celebrouse este venres pola mañá na sede do Banco de Alimentos, que a raíña emérita percorreu en calidade de presidenta da Fundación Reina Sofía mentres conversaba con varias decenas de voluntarios.

O presidente do Banco de Alimentos de Vigo, Pedro Pereira, valorou a visita da raíña Sofía, xa que, na súa opinión, permitirá visibilizar o labor levado a cabo por esta entidade e xerará unha resposta positiva na colaboración cidadá.

Ademais, detallou que trasladou á presidenta da Fundación Reina Sofía que axudaron a unhas 25.000 persoas en 2018. Así, explicou que esta mostrou "moito interese" no apoio prestado aos nenos e que dedicou unhas "palabras moi cariñosas" á organización a través dunha firma no seu libro de honra.

COLABORACIÓN
Pereira sinalou que a raíña emérita mostrou o seu interese en coñecer esta organización por mor dunha viaxe realizada á localidade pontevedresa de Sanxenxo, así como debido á colaboración que manteñen a fundación que leva o seu nome e a Federación Española de Bancos de Alimentos (Fesbal) desde 2012.

O vicepresidente do Banco de Alimentos de Vigo, Iván Martínez, rememorou que a axuda prestada por parte da Fundación Reina Sofía aos bancos de alimentos iniciouse cun apoio á transformación de froita en zume. Ademais, durante estes anos, a Fundación Reina Sofía tamén fixo entregas a nivel nacional de leite e complementos alimenticios para nenos.

Ao acto tamén asistiron diversas autoridades, como o alcalde de Vigo, Abel Caballero, a presidenta da Deputación de Pontevedra, Carmela Silva; o delegado do Estado na Zona Franca, David Regades; a conselleira de Política Social, Fabiola García; e o presidente da Autoridade Portuaria, Enrique López Veiga.

 

Grupo Correo Gallego
Ante calquera dúbida, problema ou comentario nas páxinas de Galicia Hoxe envíe un e-mail a info@galicia-hoxe.com. Titularidade e política de privacidade. Política de Cookies
Auditoría Audiencia Sites
Titulares RSS