SANTIAGO. EP
A terceira versión da plataforma web Espazo Abalar --na que os pais poden facer un seguimento continuado dos resultados académicos e comportamento dos seus fillos-- activarase este luns, 6 de febreiro, con novas funcionalidades e servizos.
Desta forma, a Consellería de Cultura, Educación e Ordenación Universitaria e a Secretaría Xeral de Innovación Tecnolóxica actualizan esta web que contará con novas guías para as familias, docentes e centros educativos, e incorpora as redes sociais para unha mellor funcionalidade.
Así, a nova plataforma terá novas canles 2.0, en servizos como Facebook, Twitter e Youtube, como diferentes formas de seguir o proxecto Abalar.
Outras das novidades do novo espazo son os apartados de experiencias e os blogs temáticos, de forma que o apartado Experiencias Aulas 2.0 preséntase como un espazo onde a comunidade educativa pode compartir as experiencias TIC cos demais usuarios.
Xunto a isto, incorpóranse novas funcionalidades ao servizo de comedores, e ademais da obtención de noticias relativas á vida escolar dos alumnos, os pais poderán xustificar as faltas de asistencia e solicitar citas de titoría en liña.
RSS
