A Rede Galega de Loita contra a Pobreza inaugura a exposición fotográfica 'Prioridade 1' en Vigo

Fotografía da portada do cartel de Prioridade 1

A Rede Galega de Loita contra a Pobreza (EAPN Galicia) inaugura o martes, 21 de febreiro, na delegación da Xunta en Vigo a II Exposición 'Prioridade 1', resultado do II Certame de Fotografía Inclusiva organizado pola entidade.

As fotografías están relacionadas coa temática da pobreza e a exclusión social en Galicia, onde se reflicten aqueles aspectos que a manifestan en calquera das súas vertentes.

O concurso aposta pola imaxe fotográfica como motor de inclusión social, pola súa utilidade á hora de facer visibles as diferentes situacións e busca chamar a atención dos poderes públicos sobre os colectivos máis vulnerables.