Hemeroteca web | RSS  RSS     Domingo 26.04.2020 Actualizado 00:00
El Correo Gallego Radio Obradoiro CorreoTV Anova

Galicia Hoxe

Noticia 1 de 1 Galicia  |   RSS - Galicia RSS

Salvador García Bodaño, Manuel Quintana Martelo e Manuel Rodeiro, galardoados nos Premios da Cultura Galega 2012

A Fundación Eduardo Pondal faise co galardón en favor do Patrimonio Cultural

SANTIAGO. EP  | 20.11.2012 
A- A+

Salvador García Bodaño, Manuel Quintana Martelo e Manuel Rodeiro resultaron galardoados cos Premios da Cultura Galega 2012 nas categorías de Letras, Artes Plásticas e Música, respectivamente.

Así o anunciou o xurado destes premios que se reuniu este luns baixo a presidencia do conselleiro de Cultura, Jesús Vázquez, na Cidade da Cultura.

Ademais destes tres premios, tamén foi recoñecida o labor do grupo de teatro Airiños na categoría de Artes Escénicas, da Asociación Internacional Estudos Galegos na categoría de Promoción Cultural de Galicia e de Miguel Anxo Fernández no apartado de Creación Audiovisual. A Fundación Eduardo Pondal fíxose co premio ás Iniciativas en favor do Patrimonio Cultural.

A Xunta de Galicia convoca estes premios anuais co fin de recoñecer o labor de persoas e institucións que traballan nos distintos ámbitos da creación, a conservación e a posta en valor do patrimonio cultural, así como da actualización e difusión do capital creativo galego. Os galardoados recibirán como premio unha escultura realizada polo artista ourensano Xosé Cid.

Grupo Correo Gallego
Ante calquera dúbida, problema ou comentario nas páxinas de Galicia Hoxe envíe un e-mail a info@galicia-hoxe.com. Titularidade e política de privacidade. Política de Cookies
Auditoría Audiencia Sites
Titulares RSS