Hemeroteca web | RSS  RSS     Sábado 14.09.2019 Actualizado 15:12
El Correo Gallego Radio Obradoiro CorreoTV Anova

Galicia Hoxe

Noticia 1 de 1 Galicia  |   RSS - Galicia RSS

O TAC, Carlos Blanco e Abastos 2.0 engaiolan cun 'serán' espectacular na CdC

O público participou e disfrutou ao grande do enfeitizo combinado de música, humor e gastronomía

Os músicos do TAC misturados co público na actuación do luns dos Seráns na CdC - FOTO: TAC
Ver galería
Os músicos do TAC misturados co público na actuación do luns dos Seráns na CdC - FOTO: TAC

SANTIAGO. REDACCIÓN WEB  | 23.05.2012 
A- A+

Foi este luns nas dependencias da Cidade da Cultura. Os músicos do Taller Atlántico Contemporáneo acertaron co repertorio e coa iniciativa de misturarse co público e facelo vibrar de preto, pegadiños á xente. O actor Carlos Blanco regalou un intelixente monólogo que tamén foi moi celebrado malia o seu apuro por ter que coller un avión. Estivo sempre coa maleta en primeiro plano. Os restauradores de Abastos 2.0 superaron as expectativas coa tapa que lle ofreceron aos asistentes, e todos xuntos completaron un Serán na Cidade da Cultura que algúns asistentes cualificaron de brillante e moi entretido.

A sesión titulada 'A Contracorrente' foi unha festa participativa na que as composicións de Edgard Varèse, Mauricio Kagel, Alfred Schnitke e Michael Daugherty soaron moi ben e que os músicos do TAC aproveitaron para meterse ao público no peto desde os seus propios asentos. A de Daughert, 'Dead Elvis', foi talvez a máis celebrada porque incluíu unha performance do propio deus do rock de Tennessee, que protagonizou o fagot Álex Salgueiro, estupendo.

Os ciclos 'Seráns' á Cidade da Cultura constitúen unha proposta na que se conxugan a gastronomía, o humor e a música contemporánea e que, despois deste inicio, ofrecerán outros catro concertos:

Presentadores:
Quico Cadaval.
Julián Hernandez
Implicadas no Desenvolvemento
Nicasio Gradaille

Restaurantes:
Pepe Solla
Eirado da Leña
Culler de Pau
Yayo Daporta

Dirección musical:
Diego García Rodríguez

Intérpretes:
Luis Soto, Frauta
David Villa, oboe
Saúl Canosa, clarinete
Álex Salgueiro, fagot
Alfredo Varela, trompa
Ramón Llatser, trompeta
Iago Ríos, trombón
Nicasio Gradaille, piano
J. Vicente Faus, percusións
James Dahlgren, violín
Michal Ryczel, violín
Nazaret Canosa, violín
Nicolay Velikov, violín
Ioana Ciobotaru, viola
Álvaro Marful, violonchelo
Carlos Méndez, contrabaixo
Alfonso Morán, contrabaixo

Solistas invitados:
Álex Salgueiro, fagot
Carmen Gurriarán, soprano
J. Miquel Ramón, barítono
José Antonio Campo. Tenor

Director invitado:
Paul Daniel

Grupo Correo Gallego
Ante calquera dúbida, problema ou comentario nas páxinas de Galicia Hoxe envíe un e-mail a info@galicia-hoxe.com. Titularidade e política de privacidade. Política de Cookies
Auditoría Audiencia Sites
Titulares RSS