Hemeroteca web | RSS  RSS     Luns 22.07.2019 Actualizado 23:12
El Correo Gallego Radio Obradoiro CorreoTV Anova

Galicia Hoxe

Noticia 1 de 1 Galicia  |   RSS - Galicia RSS

Unha pintada na que lle chaman 'traidor' e unha multa por estacionar mal reciben a Jácome como novo alcalde de Ourense

OURENSE. EP  | 18.06.2019 
A- A+

Un dos locais que o novo alcalde de Ourense, Gonzalo Pérez Jácome, ten nas Galerías Centrais xunto ao seu establecemento de instrumentos musicais Jolper apareceu este luns cunha pintada na que pode lerse a palabra 'traidor'.

Os feitos suceden apenas dous días despois de que o líder de Democracia Ourensá pactase co Partido Popular para facerse coa alcaldía e deixar a Manuel Baltar á fronte da Deputación provincial.

Por outra banda, este luns Jácome estreouse na cadeira da Alcaldía coa multa que lle puxo a Policía Local por mal estacionamento dun dos coches da súa canle de televisión Auria TV. En concreto, estaba aparcado no sitio reservado para o coche oficial da Alcaldía.

As críticas contra Jácome sucedéronse desde que se fixo público o seu acordo co Partido Popular, e é que unha das promesas da súa campaña electoral era 'botar' a Baltar da Deputación.

A este respecto, explicou que "aínda a risco de recibir moitas críticas" á súa formación non quedou máis remedio que "dar prioridade a salvar á cidade de Ourense".

JÁCOME MANTÉN A SÚA OPINIÓN SOBRE A DEPUTACIÓN
"Todo o que dixen sempre o manteño, do mesmo xeito que a miña opinión sobre a Deputación. Se tivésemos maioría absoluta xa estaba o pleno ao 15", sostivo. No entanto, ese punto que DO prometía "comprometía a todos os demais".

"No noso programa electoral incluíanse 50 promesas. Unha delas era romper a maioría absoluta de Baltar e conseguiuse. Condicionamos o goberno da Deputación, agora mesmo Baltar non poderá gobernar como lle dea a gana porque non ten maioría absoluta", afirmou.

Para quen non logren comprender o seu punto de vista, explicou que 'botar' a Baltar non era o único punto do seu programa electoral senón que "antes había 40 puntos vitais".

"O que fixemos é o que fai unha persona práctica e que quere a Ourense por encima de todo, por iso cumprimos o programa electoral, a diferenza doutros que só perseguen satisfaccións persoais ou egos", resaltou.

 

Grupo Correo Gallego
Ante calquera dúbida, problema ou comentario nas páxinas de Galicia Hoxe envíe un e-mail a info@galicia-hoxe.com. Titularidade e política de privacidade. Política de Cookies
Auditoría Audiencia Sites
Titulares RSS