Unha plataforma ecoloxista denuncia o uso de pesticidas "tóxicos" na limpeza da Muralla de Lugo

A recentemente constituída Plataforma Muralla Viva, integrada por varios colectivos ecoloxistas de Lugo, denunciou o emprego de pesticidas "tóxicos" na limpeza deste monumento declarado Patrimonio da Humanidade. En concreto, denuncian o uso de glisofato.

Unha das portavoces, Bárbara Seco, relatou que tivo que chamar a atención aos operarios da empresa á que a Xunta encargou os traballos de limpeza do monumento romano porque o pasado 31 de xullo estaban fumigando sen un muro de "contención" para evitar que por esa zona, na porta de San Fernando, pasase xente.

Ademais de alertar sobre os riscos non só para a saúde humana, senón tamén a ambiental e animal, dixo que non podían estar fumigando porque se había levantado aire, e vai en contra das recomendacións que fan as organizacións médicas. A Plataforma Muralla Viva insta á Xunta a que a limpeza se acometa de forma manual.

Pola súa banda Montse Lombardía, de Adega, concretou que o produto que se emprega, Roundup Plus, está "especialmente contraindicado contra mulleres embarazados, nenos, maiores" e en xeral "para calquera que padeza algunha inmudeficiencia".

Ademais, sostivo que a súa exposición está relacionado con "diversas enfermidades emerxentes e así, o glisofato relaciónase con linfomas Non-Gokinn, malformacións, enfermidades endocrinas, dexenerativas do sistema nervioso, alerxias e outras", segundo dixo.