SANTIAGO. EP
A cidade de Santiago de Compostela acollerá esta semana a Conferencia sobre Xestión da Auga, 'Aqua'12', que este ano chega á súa oitava edición. Trátase da primeira vez que este importante foro internacional chega a Galicia, tras ter lugar en cidades como Madrid, Sevilla ou Bilbao.
As xornadas serán inauguradas este mércores polo presidente da Xunta, Alberto Núñez Feijóo, e contarán cun relatorio plenario a cargo do conselleiro de Medio Ambiente, Agustín Hernández, quen falará sobre os novos retos na xestión da auga.
As conferencias, que se desenvolverán en dúas salas de forma paralela, abordarán no seu programa xeral unha completa visión dos problemas cos que a administración téñense que encarar e as vantaxes ou inconvenientes dos actuais modelos de xestión e posibles melloras como a xestión supramunicipal.
Ao longo dos dous días previstos para o foro --mércores e xoves-- desenvolveranse, así mesmo, un total de dous programas especiais e cinco sesións monográficas.
O obxectivo deste foro pasa por ser un grande punto de encontro entre os distintos actores do sector: axentes privados, administracións públicas e outros vinculados á administración do recurso hídrico. En 'Aqua'12' participarán case 60 recoñecidos expertos de distintos ámbitos.
RSS
