A Xunta asina un convenio coa Fundación La Rosaleda para dinamizar o galego no ámbito sanitario

O conselleiro de Cultura, Educación e Ordenación Universitaria, Jesús Vázquez, asinou este martes co presidente da Fundación La Rosaleda, Gerardo Fernández Albor, un convenio de colaboración para a realización dun programa de actuacións en materia de dinamización lingüística.

O convenio de colaboración ten como obxectivo, segundo informou a Xunta, a "progresiva" implantación do galego no funcionamento interno da Fundación e a planificación e o desenvolvemento de accións externas específicas de dinamización lingüística dirixidas aos máis novos. Tal é o caso da próxima edición dun libro infantil de 'Os Bolechas', no marco do programa 'Literapia', que a Fundación desenvolve nas escolas hospitalarias.

Mediante esta iniciativa, a consellería dirixida por Vázquez e a fundación presidida por Fernández Albor propiciarán "un achegamento á lingua galega" por parte dos nenos que pasan por estanzas hospitalarias.

Del mesmo modo, a Fundación incorporará o galego e contribuirá á súa dinamización no ámbito sanitario mediante a galleguización da súa documentación interna, que se redactará integramente en galego co apoio do Servizo de asesoramento lingüístico da Secretaría Xeral de Política Lingüística no referente a cuestións lingüísticas e terminolóxicas.