Hemeroteca web  |  RSS   RSS
Xoves 17.04.2014  | Actualizado 01.00

El Correo Gallego Radio Obradoiro CorreoTV Terras de Santiago Anova multiconsulting
Galicia  |   RSS - Galicia RSS

A Xunta cre que a actitude de Arxentina "non é de recibo"

Avala a postura do Goberno central en defensa dos intereses españois con "obxectividade, sen precipitacións pero con toda firmeza"

SANTIAGO. EP  | 18.04.2012 
A- A+

O conselleiro de Economía e Industria, Javier Guerra, considerou este martes que a actitude do Goberno de Arxentina "non é de recibo" dende ningún punto de vista" e trasladou a súa "preocupación" polos efectos que a mesma poida ter sobre outras empresas no país, en concreto galegas, se ben destacou que estas últimas "teñen outro tamaño" e que a relación comercial entre Galicia e o país sudamericano "non é moi grande".

En resposta a preguntas dos xornalistas tras presentar un plan de fomento das exportacións, Guerra criticou que a decisión de Arxentina de expropiar o 51% de YPF, a filial de Repsol, vai contra "unha das normas fundamentais do comercio internacional", que é a seguridade xurídica. "Non parece razoable, non parece que iso poida ser aceptado e estou seguro de que España fará todo o posible para poñer os seus intereses no seu sitio e defender a Repsol", afirmou.

Sobre os efectos sobre os empresarios galegos con intereses en Arxentina, o conselleiro admitiu que a manobra "crea certa preocupación". Aínda que indicou que non recibiron comentarios de ningún galego a este respecto, considerou que están "preocupados" porque "eles buscan a máxima seguridade posible e esta noticia non está a axudar a esa seguridade".

En calquera caso, destacou que as empresas de galegos en Arxentina "probablemente teñan outro tamaño", pero insistiu en que esta "non é unha boa liña de actuación". Non obstante, defendeu que "a situación arxentina non se pode extrapolar a ningún outro país" de Latinoamérica.

Neste sentido, destacou o "potencial" de México para os investimentos galegos e indicou que na anterior viaxe realizada polo presidente da Xunta, Alberto Núñez Feijóo -- que agora acompaña a Mariano Rajoy-- mantivéronse reunións con varios empresarios e algúns proxectos "están agora a concretarse" en ámbitos como o naval ou a enerxía.

Guerra citou entre os países que ofrecen "grandísimas oportunidades neste momento" tamén a Brasil, Panamá ou Colombia. Ademais, destacou que se trata dunha zona na que se están a construír infraestruturas e animou as empresas galegas a acudir á plataforma de contratacións internacionais.

RESPALDO AO GOBERNO

Tamén o conselleiro de Presidencia, Administracións Públicas e Xustiza, Alfonso Rueda, referiuse á expropiación, que considerou que "non é en absoluto unha noticia positiva". Instou a "analizar ben a situación e ver as razóns e en que consiste exactamente a decisión do Goberno arxentino" para despois "tomar as medidas de reacción e de defensa dos intereses" españois.

"Estou seguro de que iso se vai facer dende a obxectividade, sen precipitacións pero con toda firmeza", agregou e avalou a postura trasladada polo Executivo estatal e os ministros que se pronunciaron sobre o tema. "É a posición axeitada e España ten que defender os seus intereses e os das súas empresas", dixo.

Respecto a posibles efectos sobre os galegos asentados en Arxentina, Rueda asegurou que a Xunta seguirá mantendo a relación que mantivo ata agora, posto que "son cousas diferentes".

Escribe o teu comentario

Para escribir comentarios ás noticias, debes ser usuario rexistrado. De non selo rexístrate agora

1000 Caracteres dispoñibles

www.galiciahoxe.com eliminará os comentarios considerados ofensivos ou que vulneren a legalidade.

Grupo Correo Gallego
Ante calquera dúbida, problema ou comentario
nas páxinas de Galicia Hoxe envíe un
e-mail a info@galicia-hoxe.com.
Titularidade e política de privacidade
Auditoría Audiencia Sites
Titulares RSS